Diibmá čađahii Sámi giellaguovddáš giellakampánjja #Sámásmuinna2 #Sámástamujna2 #Sámásthmujna2 #Saemesthmunnjien.

Giellakampánjja olis leat dál ráhkadan sátnegirjjáža ruoŧa-, davvi-, julev-, upmi- ja oarjánsámegillii mas leat sánit ja cealkagat mat heivejit nuoraide.
- Mii sávvat ahte dát girjjáš sáhttá veahkehit ja movttiidahttit eanet nuoraid geavahit sámegiela sosiála mediain, skuvllas ja muđui beaivválaš dilálašvuođain, lohká Anders Östergren Sámi giellaguovddáža giellakonsuleanta.

Sámás-kampánjja ulbmil lei loktet sámegielgeavaheami ja čalmmustahttit sámi gielaid sosiála mediain. Sámás-kampánjjas ledje ovccinuppelohkkái giellaambasadevrra, ja okta sis Julia Rensberg, lohká ná Sámás- kampánjja birra.
- Jus gielat galget seailut, de mii fertet daid gullat ja oaidnit. Giellakampánja šattai arenan gos mii nuorat beassat geavahit giela beaivválaččat.

Sámás-kampánja lea leamaš hui bivnnut ja lea riggudahttán ja nannen sámi gielaid. Eatnigiella lea hirbmat dehálaš eareliiggánit daningo gielat gullet min oktasaš kulturárbái.

Sáminuora jahkečoahkkima oktavuođas ovdanbuktit maid giellakampánjja #Sámásmuinna2 #Sámástamujna2 #Sámásthmujna2 #Saemesthmunnjien raportta.

Eanet dieđuid addá:

Anders Östergren, Sámi giellaguovddáža giellakonsuleanta, 070-598 40 09

Sámi giellaguovddáš

Sámi giellaguovddáš gullá Sámediggái ja galget loktet sámi giellageavaheami ja sámegiela árvvu servodagas, eareliiggánit sámi guovlluin. Giellaguovddáš galgá doaibmat sámi dárbbuid vuođul ja sin giellaealáskahttindárbbuid vuođul, bargobáiki lea Deartnás ja Staares.

Sámediggi lea álbmotvalljen orgána ja stáhtalaš hálddašaneiseváldi. Sámediggi galgá bargat ealli sámi kultuvrra ovddidemiin. Sámedikki hálddahus lea Gironis ja báikkálaš kantuvrrat leat Jåhkåmåhkkås, Deardnás ja Staares.

#Sámásmuinna2 #Sámástamujna2 #Sámásthmujna2 #Saemesthmunnjien2