Kanadas, Australias, Ođđa Zeelánddas ja USA:s leat guhká juo gávdnon njulgosat álgoálbmotdutkama siskkobealde. Dutkamis gáibiduvvo ahte ovttaskas dutki lea ieš diđolaš válddi, máhtu, ja vássan ja dálá kolonialisttalaš dili ektui.  

Etihkkadárkkistanlága jelgii galgá dutkan mas olbmot dutkojuvvojit, dohkkehuvvot ng. etihkkadárkkisteamis maid okta dan guđa regionála etihkkadárkkistanlávdegottis riikkas dahká. Dál ii gávdno mihkke láhkateavsttas mii reglere got dutkan sámi áššiin galgá gieđahallojuvvot.

Stefan Löfvén celkkii iežas ráđđehuscealkámušas ahte sámiin lea sierra sajádat Ruoŧa álgoálbmogin, ja ráđđehus áigu bidjat návccaid loktet sámi mielváikkuheami ja oassálastima, ja dánin dáhttu Sámedikki stivra oažžut dialoga etihkkadárkkistanlávdegottiin dáid áššiid birra.