Konferánsa digitála veahkkeneavvuid birra giellaoahpahusas
Sámi giellaguovddáš lágida njukčamánu 7 b 2016 konferánssa #DigiGiella16 čuvgen dihte got digitála teknihkain sáhttá seailluhit ja ovdánahttit sámegielaid. Konferánsa heive sámi giellabargiide, eatnigieloahpaheddjiide, sámi váhnemiidda, sámi hálddašangielddaid áššebuohtalastiide ja iežáide geat beroštit sámegiela ovddideamis.
Lea vuosttaš konferánsa mii čuvge got ođđaáiggi digitála teknihkain sáhttá seailluhit ja ovdánahttit sámegielaid máilmmis. Logaldallit muitalit omd. got sosiála mediat sáhttet leat veahkkin oahpahusas, ja got sátnegirjji haga sáhttá oahpahit sámegiela. Nuorra sámi studeanta, Nikolaus Wollberg, boahtá muitalit iežas boahtteáiggivišuvnna das got sámegielaid sáhttá ovdánahttit.
- Mii sámit leat hui čeahpit geavahit digitála teknihka muhto giellaoahpahusas sáhtášeimmet geavahit dan vel eambbo, lohká Patricia Fjellgren, Sámi Giellaguovddáža/Sámedikki giellakonsuleanta.
- 40 oasseváldi leat ilmmuhan konferánsii, ja dat čájeha ahte lea stuora beroštupmi dáidda áššiide, oaivvilda Ellacarin Blind, Ruoŧa Sámiid Riikkasearvvi kulturgieđahalli guhte lea okta dain gii lea vuolggahan jurdaga lágidit dán konferánssa.
Lea áigumuš čađahit dán konferánssa jahkásaččat golbma jagi Ubmejen Biejvieh, Sámi vahkku oktavuođas Ubmejes.
Sámi giellaguovddáš (Sámediggi) lea prošeaktaeaiggát ja miellágideaddjit leat RSR – Ruoŧa Sámiid Riikkasearvi, HUMlab Ubmeje universitehta giellainstitušuvdna, Máŋggagielatvuođa gealboguovddáš ja Ubmejen gieldda Ovda- ja vuođđoskuvla.
Goas: Mánnodaga njukčamánu 7 beaivvi dii. 9.00-16.00.
Gos: HUMlab X, Konstnärligt campus, Ubmeje
Logaldallamiid sáhtát oainnit neahtas dán čujuhusas:
Eanet dieđuid addiba:
Patricia Fjellgren, Sámedikki giellakonsuleanta
070-696 42 05
Patricia.fjellgren@sametinget.se
Ellacarin Blind, RSR kulturgieđahalli
070-36 20 478
Ellacarin@sapmi.se
