Dievasčoahkkin Jielleváris
Sámedikki čoahkkinjođihangotti ságadoalli Stefan Mikaelsson sávvá sámiide ja báikki olbmuide bures boahtima dievasčoahkkimii Jiellevárrái guovvamánu 23-25 b 2016. Dievasčoahkkin lea Quality Hotel & Resortas gasku Jiellevári.
Bures boahtin Jiellevárrái Sámedikki dievasčoahkkimii vahkku 8:s. Budjeahtta (§ 16) dáidá buktit digaštallamiid, ja nu maiddái Kulturpolitihkalaš doaibmaprográmma (§ 11) ja Giellapolitihkalaš doaibmaprográmma (§12).
Iežá stuora áššit lea parlameantavisti (§10) ja dásseárvoprográmma (§9).
Dasa lassin leat áššelisttus čieža mošuvnna.
- Šaddá miellagiddevaš gullet digaštallamiid dáin fáttáin. Lea hirbmat guhkes áššelistu ovdan, ja eat dáidde ollet visot áššiid gieđahallat, lohká Stefan Mikaelsson.
Stefan Mikaelsson mielas lea suohtas doallat dievasčoahkkima Jielleváris, eareliiggánit dál go Jiellevári birra lea leamaš nu olu sáhka ja nu olu fuomášupmi. Sámi perspektiiva boahtá eanet ja eanet ovdan, sihke lagas birrasis muhto maiddái olgobealservodagas.
Mii sávvat ahte sihke sámit ja báikki olbmot bohtet guldalit dievasčoahkkima.
- Váldde fal don nai oasi álgoálbmotparlameantta barggus Eurohpás! ávžžuha Stefan Mikaelsson. Sámediggi guossoha gáfe visot gussiide.
Váldde oktavuođa:
Stefan Mikaelsson, ságadoalli/čoahkkinjođiheaddji
070-251 94 97
Anja Taube, hálddahushoavda
070-601 95 12
Marie Enoksson, diehtojuohkki
070-310 09 94
Sámedikki hálddahus: 0980-780 30